Қазақстан Республикасында ҚЖМ бойынша АИВ/ЖИТС, туберкулезге және безгекке күрес жөніндегі Жаһандық қор Грантын жүзеге асыру шеңберінде Алматы қаласында 2019 жылғы 13-15 қарашада облыстардың, Алматы, Шымкент және Нұр-Сұлтан қалаларының Фтизиопульмонология орталықтарының бірінші басшылары үшін «Қазақстанның ТБ қызметіндегі реформаларды іске асыру және мониторингі» атты 3 күндік тренинг өтті. Тренинг жұмысына халықаралық жаттықтырушылар қатысты: Мошняга Андрей - Стоп ТБ Серіктестігінің өңірлік кеңесшісі, ЦогтГомбогарам – ТБ реформасы бойынша халықаралық консультант, Бурински Виктор-ҚР ТҒБ техникалық консультанты, ҚР ҰФҒО мамандары (ұлттық жаттықтырушылар, амбулаторлық емдеу бойынша үйлестірушілер, К/КАДК ТБ, инфекциялық бақылау, дәрі-дәрмекпен қамтамасыз ету, ТБ/АИВ, ТАНҰТ) және ЖҚ ЖІАТ.
Тренингтің мақсаты: жалпы әлеуетті, іс-шаралар менеджментін, МжБ күшейту арқылы ұлттық туберкулезге қарсы бағдарламаны реформалауды қолдау,
Тренингтің міндеттері:
1. ТБ күрес жөніндегі Кешенді Жоспарды іске асыру нәтижелері және ҚР ТҒБ нысаналы көрсеткіштеріне қол жеткізу жөніндегі шаралар туралы ақпарат беру;
2. ДДҰ ұсынған ТБ,ТБ/АИВ алдын алу, анықтау, диагностикалау және емдеу бойынша жаңа тәсілдермен таныстыру;
3. ТБ қызметтерін көрсетудің пациентке бағытталған моделін тиісті түрде енгізу және мониторингі, сондай-ақ ТБ бойынша стигма мен кемсітуді төмендету бойынша практикалық дағдыларды беру.
Тренинг барысында ТБ қызметіндегі реформаларды іске асырудағы негізгі жетістіктер, проблемалар, сондай-ақ ДДҰ-ның үздік тәжірибелері мен ҚР өңірлерінің оң тәжірибесін ескере отырып, ұлттық ТБ бағдарламасының нысаналы индикаторларына қол жеткізу бойынша практикалық қадамдар ұсынылды және талқыланды.
Call-центр: +7 (727) 291 87 28